གཉའ་ཁྲི་བཙན་པོ།
༣༠༽ བཙན་པ་ལྷོ་དང་གཉགས་གཉིས་ཀྱིས་ཨུ་བེ་རའི་ལམ་བཀག་སྟེ། ཁོང་གི་སྐྱེ་གཟུགས་མཛེས་པ་ལ་ཡ་མཚར་བའི་ངང༌། ཝ་ཡེ། ཁྱོད་སུ་ཡིན། རིགས་གང་ཡིན། གང་ནས་འོངས། གང་དུ་འགྲོ་གིན་ཡོད། ཅེས་ངར་ངར་གྱིས་དྲིས།
༣༡༽ ང་སྤུ་བོ་ནས་འོངས་པ་ཡིན། རིགས་ལྷ་ཡིན། མིང་ལ་ཨུ་བེ་ར་ཟེར། ད་བོད་ལ་འགྲོ་གིན་ཡོད་ཅེས་བཤད་ཀྱིན་ལྕེ་བརྐྱངས་ཏེ་རང་གི་དཔྲལ་བ་ལ་རེག་ཙམ་བྱས་པས། ཚང་མ་དེ་བས་ཀྱང་ཡ་མཚར།
༣༢༽ བཙུན་པ་ཁྱུང་གིས། ཨ་ལ་ལ་ལྕེ་རིང་པ་ལ་དུག་སྦྲུལ་ཞིག་མིན་ནམ་ཟེར་བ་དང༌། བཙུན་པ་སྣུབས་ཀྱིས། ཨ་ཙི། འདིའི་ལག་པ་ལ་ལྟོས་དང༌། ཁོང་གི་ལག་པ་ངང་པའི་སྡེར་མོ་འདྲ་བོ་འདུག ཅེས་འཕྱ་སྨོད་བྱས།
༣༣༽ ཁྱོད་བོད་ལ་ཡོང་དོན་ཅི་ཡིན། མཐུ་རྩལ་ཅི་འདྲ་ཡོད། ཅེས་ཅོག་ལ་བོན་ཁོང་གི་འཁྲིས་སུ་བཅར་ནས་དྲིས་པར། ང་མཐུ་རྩལ་དང་རྫུ་འཕྲུལ་ཆེ་དྲགས་ནས་རྒྱང་འཕུད་བཏང་སོང༌། ད་བོད་ལ་རྒྱལ་པོ་བྱེད་དུ་འོངས་པ་ཡིན་ཞེས་བཤད།
༣༤༽ ང་ཚོས་སྣུབས་རྗེ་དང་ཨོང་རྒྱལ་པོའི་བརྙས་བཅོས་འཁུར་མ་འདོད་པར་འདིར་གནས་སྤོས་པ་ཡིན། ཡར་ཀླུང་བོད་འདི་བུ་དཔའ་རྟ་རྒོད་འདུ་ས་ཞིག་ཡིན་པས་ཁྱོད་ཀྱིས་རྒྱལ་པོ་བྱེད་ཐུབ་བམ། ཞེས་དཔའ་རྒོད་གཉན་པ་སེ་དང་སྦོ་གཉིས་ཀྱིས་མཐོང་ཆུང་གི་ཚུལ་གྱིས་བཤད།
For the audio files